Nongonoko wa Rihanyo Lerinene ra Vatirhi
Ndzawulo yi vona leswaku swiphiqo swo tala a swi tumbuluki emintirhweni ntsena, kambe na ku suka eka timhaka ta miehleketo swi nga va na ku nghenelela eka matirhelo ya vatirhi, naswona handle ka loko ku va na ku nghenelela ka swin?wana eku sunguleni, swiphiqo swi nga nyanya.
Ndzawulo yi tshembha leswaku swi le ka ku tsakela ka mutirhi, ndyangu wa wena na Ndzawulo ya Tindlu ku tumbuluxa nongonoko wa Rihanyo Lerinene ra Vatirhi ku endla mintirho leyi nga kongomana na ku fambisa swiphiqo swa miehleketo leswi nghenelelaku eka matirhelo ya vatirhi. Swiphiqo leswi swi katsa ntlhaveko, ku tikeriwa entirweni, timali, nhlomulo, vuxaka, ku tikeriwa, swidzidziharisi, madzolonga ya le ntirhweni, ku tikeriwa kumbe madzolonga ya le mindyangwini, na swin?wana.
Nongonoko wa Rihanyo ra Vatirhi i xitirhisiwa lexi Ndzawulo yi xi nyikelaku xa xiyimo xa le henhla no va xa xihundla ku pfuna vatirhi hinkwavo lava:
Va hlanganaku na swiphiqo swa le mintirhweni, swiphiqo leswi yelanaku na rihanyo, leswi nga tshikilelaka matirhelo ya vona.
Lavaka ku sivela swiphiqo swi nga si humelela.
Hikokwalaho ka yini ku va na nongonoko wa Rihanyo Lerinene ra Vatirhi (EWP)?
Ku nyika vatirhi va Ndzawulo mintirho yo horisa no va seketela leyi nga ta va pfuna ku tirhana na swiphiqo swa miehleketo leswi swi nga kona.,
Ku va nyika mintirho yo sivela.
I va mani lava va pfunekaku eka nongonoko wa Rihanyo Lerinene ra Vatirhi?
Mutirhi hi yexe: Vatirhi va Ndzawulo na swirho swa mindyangu ya vona. EWP wu pfuna vatirhi ku hlayisa ndzingano exikarhi ka mintirho ya vona, mindyangu na hanyelo ra vanhu, wu hoxa xandlla eka ku pfuna vatirhi ku antswisa xiyimo xa mintirho ya vona .
Minhlangano ya vatirhi: Ntirhisano lowu nga tlakusiwa ku lulamisa swiphiqo swa vatirhi exikarhi ka Ndzawulo ya Tindlu na Minhlangano yo yimela vatirhi, Xikombiso, matshalatshala yo pfuxa mutirhi loko a langutane na vulavisisi byo tshinyiwa.
Ndzawulo: Ku pfuna Ndzawulo ku hlayisa vatirhi lava nga na vutshila na nkoka. Vatirhi lava tsakeke va tlhela va hanya kahle va hunguta ku xwa emintirhweni, ku antswisa mahanyelo na ku tshembheka eka Ndzawulo, ku ya ehansi ka vatirhi na ku tirha nkarhi wo leha na ku tlakusa xiyimo xa Ndzawulo.
Minongonoko ya Rihanyo Lerinene ra Vatirhi, minongonoko yo nghenelela:
Ku khanseriwa ekliniki
Ku khanseriwa ka HIV/AIDS u nga si kamberiwa na loko u kamberiwile
Ku nghenelela eka swiyimo xo tika.
Vukamberi na ku Hundzisela.
Ku nghenelela nkarhi nyana.
Ku kambisisa.
Ku landzelerisa.
Ku Tihlanganisa na Vufambisi
Vulanguteri.
Vuhundziseri bya Mafundza.
Vuhundziseri bya Malwandla.
Vuhundziseri bya Vunwinyi.
Vuhundziseri byo Rhumiwa
Ku Tihlanganisa na Minhlangano
EWP wu nyika switsundzuxo eka tipholisi ta le mintirhweni, na tindlela leti nga na nkoka eka timhaka ta Minhlangano yo yimela vatirhi leyi nga mayelana ni rihanyo ra vatirhi nai ku hluvuka. Xikombiso, tipholisi ta madzolonga ya le mintirhweni, vuswikoti na swin?wana na swin?wana...
Ku Tihlanganisa na Mulanguteri /Mufambisi/na Muyimeri wa Vatirhi
EWP wu ta endla leswaku ku va na ku tihlanganisa na Valanguteri, Timininjhere na Vayimeri va Vatirhi mayelana na vufambisi & vuhundziseri bya vatirhi hi matirhelo ya vona na swiphiqo swa mahanyelo man?wana.
Ku Tlakusa/Maketa nongonoko
EWP yi ta vona leswaku ku na ku kumeka no tirhisiwa ka switirhisiwa swa tidyondzo na migingiriko ya dyondzo leswi hlohlotelaka ku tirhisiwa ka nongonoko hi vatirhi va swiyimo hinkwaswo na swirho swa mindyangu ya vona, xik. timininjhere, valanguteri, vayimeri va vatirhi na vatirhi van?wana.
Ku letela timininjhere,valanguteri & Xikongomelo xa Ndzetelo wa Vayimeri va Vatirhi:
Milawu leyi hlamuselaka Nongonoko wa Rihanyo Lerinene ra Vatirhi (EWP).
Xihundla.
Ku fikelela
Ku va xikarhi.
Ku tinyikela.
Ku pfumala vuahluri
Nongonoko wo ringanela.
Ntirho na vutihlamuleri
Vufambisi bya xiyimo xa le henhla.:
Ntirho na vutihlamuleri bya vufambisi bya xiyimo xa le henhla iku pfuxeta nongonoko na ku wu nyika nseketelo.Ku va nongonoko wu ta kota ku simekiwa, swi leka vufambisi bya xiyimo xa le henhla.
Vatirhi:
Mutirhi hi yexe u va a ri eka xiyimo lexinene ku tiva loko a ri eku tikeriweni leswi tshikilelaka ntirho wa yena. Hikwalaho vatirhi va na mfanelo na vutihlamuleri byo kombela ku pfuniwa eka EWP va thlela va kombisa ntirhisano loko va pfuniwile.
Valanguteri.
Valanguteri VA FANELE :
Ntirho nkulu wa valanguteri eka nongonoko i ku vona na ku hundzisela vatirhi eka EWP lava lavaku ku pfuniwa.
Va fanele va veka tihlo hi ku ya mahlweni va xiyaxiya eku cinceni ka mahanyelo ya vatirhi lava va nga ehansi ka vulawuri bya yena..
Byela vatirhi leswaku swiphemu hinkwaswo swa nongonoko i xihundla.
Tsala mahanyelo hinkwawo lawa ya nga amukelekiki, vukona na matirhelo lawa ya nga fikeleriki.
Kambela matirhelo ya vatirhi no nghenelela loko ntirho wu ya ehansi hi ku hundzisela vatirhi eka EWP.
Ku hlohletela ka vatirhi lava tsakelaka ku:
Ku fikelela ntirho wo seketela eka vatirhi loko vutshunguri/khanseriwa swi ya emahlweni. Loko vutshunguri byi nga si sugula na loko byi herile, mulanguteri u fanele a pfuneta ku hlanganisa vatirhi emintirhweni ya vona.
A langutisa swibumabumelo leswinene a tlhela a va na vuxiyaxiya eka swilaveko swa vatirhi.
Nyika mbuyelo mukondleteri wa EWP mayelana na matirhelo hi nkarhi wa vutshunguri/ku khansela.
Valanguteri A VA FANELANGI KU:
Ringeta ku kuma swiphiqo swa ximunhu, kumbe ku ahlula.
Vulavula hi swiphiqo swa vatirhi na vatirhi kulobye.
Ku hundisela emahlweni mhaka yo landza un?wana.
Papalata ku ya ehansi ka xiyimo xa ntirho.
Ku vulavula hi kumbe loko mutirhi a ri na swiphiqo swa yena, kumbe ku ringeta ku n?wi tsundzuxa.
Ku huma endlelenihi ku twela vusiwana.
Ku nghenelela eka swo huma endleleni hikwalaho ka migingiriko yo sirhelela van?wana mayelana na xiphiqo xa mutirhi.
Ku chucha mutirhi la nga tsakangiki a nga si pfuniwa hi EWP.
Ku xwa nkarhi hinkwawo, nkarhi wo wisa wo ka wu nga pulaniwangi, ku xwa swi nga ri na xivangelo, ku fika entirhweni ka ha ri na nkarhi no chayisa nkarhi wu nga si fika.
Ku xwa hi xivangelo xa mavabyi u nga ri na vumbhoni bya papila ro huma eka dokodela.
Ntshovelo wa xiyimo xa le hansi, ku ka u nga ri na mhaka na nchumu, ku rivala, ku tshama nkarhi wo leha swi nga fanelangi eka riqingho kumbe email, na swin?wana
Ku ka munhu a nga ha tinyiketeli kumbe ku tshika.
Vayimeri va Minhlangano ya vatirhi
Va tshikelela ku sivela na ku vona ka ha ri na nkarhi no nghenelela eka swiphoqo swa vatirhi.
Ku tihlanganisa na, ku hlohletela vatirhi ku kuma ku pfuniwa loko swiphiqo swa vona swi tiveka eka Minhlangano.
Ku nghenelela na ku pfuna eka minongonoko ya tidyondzo leyi kongomaneke na ku hlamusela swiphiqo swa vatirhi.
Vatirhi:
Mutirhi hi yexe u le ka xiyimo lexinene ku vona loko a ri na ku tikeriwa leswi tshikilelaka ntirho wa yena. Hikwalaho vatirhi va na mfanelo yo kombela ku pfuniwa eka EWP va tlhela va kombisa ntirhisano loko va pfuniwile.
Ku fikelela mintirho.:
Mintirho na mahungu ya EWP swi nga fikeleriwa hi:
Ku thoriwa
Minchumu yo hlaya.
Swiphiqo swa munhu a swi sali ehandle ka rivanti loko a nghena entirhweni, swi nghena na wena. Ku fana na michini vanhu na vona va fanele va lulamisiwa ku endlela ku antswisa xiyimo xa matirhelo na rihanyo lerinene na ntsako emintirhweni.?
Mahungu hi xitalo eka Minongonoko Leyinene ya Vatirhi na Mintirho tihlanganisi na: Mmamolato Kganyago (Mukondleteri wa EWP)
Riq: 012 421 1485, Fekisi: 086 615 0313, Nomboro ya Hofisi 217,
